कञ्चनपुर,भदौ २१ गते । कञ्चनरुप नगरपालिका ९ सुन्दरी खोलामा हत्या गरेर फालिएको अवस्थामा एक यूवकको लाश भेटिएको छ ।
सुन्दरी खोलामा फालिएको अवस्थामा भेटिएको उक्त लाशको कञ्चनरुप नगरपालिका वडा नं.७का  रामकुमार चौधरीका २२ बर्षिया छोरा राहुल चौधरीको रहेको बताइएको छ ।
कञ्चनरुप नगरपालिका ९का वडाअध्यक्ष रामसुन्दर यादबका अनुसार शवको पहिचान खुलीसकेको र परिवारको व्यक्तिहरु आइरहेको बताए ।  चौधरीको शरिरमा निलडाम भएको र बालुवामा घिसारेको जस्तो देखिएको छ । घाँटी पनि थिचिएको अवस्था छ । 
इलका प्रहरी कार्यालय कञ्चनपुरले स्थलगत मुचुल्कापछि लाश उठाएर पोष्टमार्डन गर्न पठाउने क्रममा पहिचान खुलेपछि अहिले शव उठेको छैन । स्थानीयहरुले शव हेरेर प्रहरीलाई करिब ३ बजेतिर  खवर गरेका थिए । प्रहरीले घटनाको अनुसन्धान थालेको जनाएको छ ।