किशोर पासवान
कञ्चनपुर,असोज ७ गते । दलित सरोकार मञ्च नेपालको बहुृद्देश्यले हल आईतबार एक कार्यक्रमबीच उद्घाटन गरिएको छ ।
आईतबार कञ्चनरुप नगरपालिकाकी उपप्रमुख मुनाकुमारी पोखरेल, सहयोगी संस्था ग्रेस हिमालय एशोसिएन(फ्रान्स)का अध्यक्ष प्रट्रेशिया प्रोस्टले,ब्योमकुशमा बुधधर्मका अध्यक्ष मुकुन्द विष्टले संयुक्त रुपमा उद्घाटन गरेका हुन् । फ्रान्स स्थित ग्रेस हिमालय एशोसिएनले हल निमार्णका लागि ( जग्गा बाहेक) करिब २८ लाख रुपैया सहयोग गरेको थियो ।  विपन्न एवं दलित विद्यार्थीहरुलाई लोकसेवा कक्षा तयारी,महिलाहरुलाई सीप विकास तालिम र समाजिक कार्यमा प्रयोग गर्ने गरी मञ्चका लागि उक्त हल निमार्ण गरिएको छ ।
अध्यक्ष प्रट्रेशिया प्रोस्टलले हल निमार्णले दुई देशको नागरिकको सम्बन्ध विस्तारमा महत्वपूर्ण भूमिका खेलेको बताए । उनले भने,‘ हल निमार्ण यहाँका दलित महिला र बच्चाहरुको शिक्षमाा विकासमा सहयोग पुग्छ । महिलाहरुको सीप विकासबाट आर्थिक उन्नतीमा सहयोग पुग्ने हाम्रो विश्वास छ ।’
ब्योमकुशमा बुधधर्मका अध्यक्ष मुकुन्द विष्टले राजा महराजाहरुले समाजमा शासन गर्नका लागि जाति व्यवस्था कायम गरेकोले त्यसबाट धेरै दलितहरुले अहिलेसम्म दुःख पाईरहेको बताए ।  उनले भने,‘ दलितहरुको समस्या जटिल छ,शिक्षा,रोजगारी र खानाको समस्या ब्याप्त छ ।’ 
कार्यक्रममा कञ्चनरुप नगरपालिकाकी उपप्रमुख मुनाकुमारी पोखरेलले सिमित स्रोतसाधनका कारण दलित उत्थानका लागि धेरै काम गर्न नसकिएको बताइन् । उनले भनिन्,‘  नगरपालिकाका बजेटमा पनि उपप्रमुखको मुख्य भूमिका छैन,जसले सोचेजस्तो बजेट विनयोजन गर्न सकिएको छैन ।’  दलित सरोकार मञ्चले विपन्न र दलितहरुका लागि उल्लेखनीय काम गरेको बताउँदै दलितहरुको सशक्तिकरण र उत्थान नभएसम्म पालिकाको विकास नहुने बताइन् ।
कार्यक्रममा कञ्चनरुप नगरपालिकाका कार्यापालिका सदस्य शोभा पासवानले विगत १५ महिनामा नगरपालिकाले दलितहरुको लागि कुनै उल्लेखनीय काम नगरेका बताए । उनले भने,‘ ६१ करोडभन्दा बढीको बजेटमा मैले कति लड्दा बल्ल ४ लाख बजेट विनयोजन गरेको छ,यो बजेट दलितका लागि प्रयाप्त छैन ।’ 
कार्यक्रममा ग्रेस हिमालय एशोसिएनका सचिव सविने जोउनिन, सदस्य पास्कल प्रोउस्ट,मार्क जोउनिन,फ्रान्स दुतावासका राजनीतिक अधिकृत अन्तोी सरकुन्सको उपस्थिती रहेको थियो । मञ्चका अध्यक्ष शिवप्रसाद मण्डलको अध्यक्षतामा समपन्न कार्यक्रम संचालन भोला पासवानले गरेका थिए । कार्यक्रममा सहयोगी संस्थाहरुलाई सम्मान समेत गरिएको थियो ।