कञ्चनपुर,कार्तिक २ गते । थारु कल्याणकारीसभा कञ्चनरुप नगर समितिले जितिया महोत्सव २०८०मा सहयोग गर्नेहरुलाई बिहीबार एक कार्यक्रम आयोजना गरि प्रशंसा पत्र प्रदान गरेको छ ।
गत असोज २० गते कञ्चनरुप नगरपालिकाको सहयोग र थाकस नगर कमिटिद्धारा महोत्सव आयोजना गरिएको थियो । कार्यक्रममा सहभागी सांस्कृति टोली सदस्य,नगरपालिकाका नगरप्रमुख,वडाअध्यक्ष,कार्यपालिका सदस्य लगायत सहयोगीहरुलाई प्रशंसा पत्र प्रदान गरिएको थियो । कञ्चनरुप नगरपालिकाको नगरसभा हलमा थाकसका कञ्चनरुप नगर सभापति उमेश चौधरीको अध्यक्षतामा सम्पन्न कार्यक्रममा कञ्चनरुप नगरपालिकाका वडा नम्बर ८का वडाअध्यक्ष कृष्णा प्रसाद साह,३का गुल्टेन चौधरी,७का श्यामानन्द चौधरी,६का बच्चुलाल चौधरी,११का ललित गोजेबार,कार्यापालिका सदस्य शोभा पासवान लगायतले मन्तव्य व्यक्त गरेका थिए । 
थाकसका कञ्चनरुपका उपसभापति सुमन चौधरीले सहभागीहरुलाई स्वागत गरेका थिए  भने कार्यक्रममा कल्पना चौधरी,अशरा चौधरी,जानकारी चौधरी लगायतले कार्यक्रम सफलतामा सहयोग गर्नेहरुलाई धन्यवाद ज्ञापन गरेका थिए । कार्यक्रममा बोल्दै जसपा नेतृ कल्पना चौधरीले स्थानीय कला संस्कृतिको संरक्षण गर्न पालिकाले लगानी गर्नुपर्ने बताएकी थिइन् । कार्यक्रममा संचालन रिमु चौधरीले गरेकी थिइन् ।