कञ्चनपुर,कार्तिक २२ गते ।
सप्तरी खडक नगरपालिका वडा नं.११ बनौली स्थित हुलाकी सडक खण्डबाट प्रहरीले बन्दुकको गोली सहित दुई जनालाई पक्राउ गरेका छन् । 
 बिशेष सुचनाको आधारमा  ईलाका प्रहरी कार्यालय कल्याणपुर सप्तरीबाट खटिएको प्रहरी टोलिले सिराहा लक्ष्मिपुर पतारी गा.पा.२ बस्ने राम उदगार यादवको छोरा बर्ष–१९ को धर्मजीत कुमार यादवको साथबाट ५ राउण्ड राईफलको(३०३) गोलि फेला परेको  प्रहरीले जनाएको छ ।
जिल्ला प्रहरी कार्यालय सप्तरीका अनुसार यादबको साथमा रहेको सप्तरी खडक न.पा.११ बनौली बस्ने फुलेश्वर यादवको छोरा बर्ष–१८ को हरी शंकर कुमार यादवलाई समेत पक्राउ गरिएको छ । 
पक्राउ परेकालाई मुलूकी अपराध संहिता २०७४ अन्तर्गत हात हतियार तथा खरखजना सम्बन्धी कसूरमा सप्तरी जिल्ला अदालतबाट दिन ३ (तिन) को म्याद थप भई अनुसन्धान कार्य भई रहेको प्रहरीले जनाएका छन् ।