कञ्चनपुर, कार्तिक २८ गते । कञ्चनरुप नगरपालिका ८ गुवास टोलमा आगलागी हुदाँ ६ लाख भन्दा बढीको धनमाल जलेर नष्ट भएका छन् ।
कञ्चनरुप ८का दिनेश सुतिहारको गोठमा सोमबार राति करिब ११ बजे आगलागी हुदाँ उक्त रकम बराबरको धनमाल जलेर नष्ट भएका हुन् । आगलागीबाट जस्ताले छाएको एउटा घर,काठ,फनिर्चरको समान,धरेन लगायतको सामग्री जलेर नष्ट भएको छ । आगलागी के कसरी भएको हो त्यसबारे कुनै ठोस जानकारी हुन सकेको छैन । परालको टाल नजिकैबाट आगलागी सुरु भएको थियो । आगालागीबाट एउटा गाई समेत समान्य घाईते भएको थियो । आगोलाई स्थानीयहरुले नियन्त्रणमा लिएका थिए । पछि कञ्चनरुप नगरपालिकाबाट दमकल समेत पुगेको थियो ।