कञ्चनपुर । राष्ट्रका लागी खेलकुद स्वास्थ्यका लागि खेलकुद भन्ने मूल नाराका साथ रोयल क्लव कञ्चनरुप नगरपालिका १२ले शनिबारदेखी स्वर्गिय राजु गौत्तम प्रथम विद्यालय स्तरीय टि २० क्रिकेट प्रतियोगिताको एक कार्यक्रमबीच उद्घाटन गरिएको छ ।
 प्रतियोगितामा कञ्चनरुप नगरपालिकाका १६ विद्यालयको सहभागिता रहेको छ ।  क्लवका अध्यक्ष अभिषेक गौत्तमको अध्यक्षता तथा कञ्चनरुप नगरपालिकाका नगर प्रमुख ललन प्रसाद गुप्ताको प्रमुख आथित्यतामा कार्यक्रम सम्पन्न भएको छ । खेलको उद्घाटन स्व. राजु गौत्तमकी पत्नी शुशिला गौत्तमले पानसमा बालेर गरेका थिए । खेल इन्टरनेशनल लक्की इङ्गलिश स्कूल  र चिल्ड्रेन मोडेल स्कूल कञ्चनपुरबीच भएको थियो । उक्त  इन्टरनेशनले ५ बिकेटले बिजय भएको छ । जीतका लागि स्कूलका रोनकसिंहले २८ वलमा ४९ रन बनाएका थिए र अरु ब्याटसम्यानहरुले दोहरो अंक जोड्न सकेका थिएनन् । 
शुरुमा ब्याटिङ्गमा उत्रिएको चिल्ड्रेनले १३ ओभर ३ वलमा २१ रण बनाएका थिए ।  चिल्ड्रेनलका लागि रुपेश यादबले १९ बलमा २१ रण र बद्री रुेष्ठले १६ बलमा २१ रण बनाएका थिए  भने अरु ब्याटसम्यानहरुले दोहरो अंक जोडन सफल हुन सकेनन् ।
इन्टरनेशनलका रोनक सिंहले ३ ओभरमा १५ रन खर्चेर ५ बिकेट र रविन सिंहले २ ओभरमा ४ रन खर्चेर २ बिकेट लिएका थिए । त्यसैगरी चिल्ड्रेनलका आशिस भगतले ४ ओभरमा १५ रन खर्चेर ४ बिकेट र समसाद मंसुसीले २ ओभरमा १५ रन खर्चेर १ विकेट लिएका थिए । 
सहयोगी बचत तथा ऋण सहकारी संस्था लिमिटेड कञ्चनपुरका व्यवस्थापक बिनोद कर्णले ब्याटिङ्ग र कञ्चनरुप नगरपालिका कार्यापालिका सदस्य शोभा पासवानले बलिङ्ग गरेर खेल उद्घाटन गरेका थिए । कार्यक्रममा अवलोकित दैनिकका सम्पादक भोला पासवान,जसपाका क्षेत्रिय उपाध्यक्ष दक्षनारायण श्रेष्ठ लगायतको उपस्थिति रहेको थियो ।
प्रतियोगिताको उद्घाटनमा जिल्ला खेलकुद विकास सप्तरीका प्रमुख दिनेश भुजेल, कञ्चनरूप नगरपालिका मेयरका प्रत्यासी भोला पासमान , समाज सेवी दक्ष नारायण श्रेष्ठ , वडा सदस्य लगायतको उपस्थित रहेको थियो ।
टि –२०  क्रिकेट प्रतियोगिताको मिडिया स्पोर्टका रुपमा कञ्चन२४डटकम र अवलोकित दैनिक रहेका छन ।