अवलोकित समाचारदाता
कञ्चनपुर, असोज २८ गते । कञ्चनरुप नगरपालिकाले नगरको विभिन्न ठाउँमा राखेको ‘डस्वीन’मा सर्वसाधारणले प्mयालेको फोहर न उठाएपछि चौक चौरहा दुर्गन्धित भएका छन् ।
    नगरको कञ्चनपुर,सिमरा , बलुवा, मलेठ,महादेवपट्ठी,रुपनगर लगायतको ठाउँमा राखिएको डस्वीनको फोहोर दुर्गन्धले समस्या सर्जना गरेको छ ।
    नगरपालिकाले कसैको पसल अगाडी नै डस्वीन राखिदिएकोले कतिपयलाई व्यापार व्यवसाय गर्न पनि मुश्किल भएको छ । दशैंमा दुर्गा पूजा हुने ठाउँमा समेत फोहर थुपारिएको थियो । ‘ पटक पटकको हार–गुहारले एक दुईदिन संकलित फोहर  फोहर उठाइयो तर फेरी अवस्था उस्तै छ ।’ बेरियरका एक होटल व्यवसायीले भने,‘ नगरपालिका खाली जनताको रगत चुस्न बसेको जस्तो छ ,कञ्चनरुपभन्दा पछि नगरपालिका भएका सप्तकोशीमा फोहर व्यवस्थापन राम्रोसँग् भएको छ । तर हाम्रोमा जनप्रतिनिधिको गफै ठूलो ।’
    

संकलित फोहर कहाँ  फाल्ने ? नगरपालिका प्रमुख वसन्तकुमार मिश्राले भने, संकलित फोहर फान्ने ठाउँ छैन, को–कोसंग विवाद गरी राख्नु ? कोशिमा फयालनै नदिने, कसैको नम्वरी जग्गामा फयाकदा विवादै हुने डम्पीङ्गसाइड काम नलाग्ने छ ।’
    ‘केहि दिन पछि सबै ब्यवस्थीत हुन्छ । नगर भित्र रहेको फोहर म विहान सफा गर्न लगाउछु ।’ नगरप्रमुख मिश्रले भने,‘ फोहोरसँगै प्लाष्टिक समस्या बढी गम्भिर छ । प्लाष्टिक जलाएको धुवाले मानव शरीरमा  बढी असर गर्छ ।’
    कञ्चनरुप नगरपालिका वडा नं ११ का वडा अध्यक्ष जिव्रिलले नगर प्रमुखकै अगाडी भने,‘यो जिम्मेवारी तपाईको हो  फोहोर ब्यवस्थापन कसले गर्ने ?’