किशोर पासवान
कञ्चनपुर, असोज २८ गते । कञ्चनरुप नगरपालिका ८ चन्द्र नहर स्थित राजमार्गमा सोमवार स्कोरपियोले मोटरसाईकललाई ठक्कर दिदाँ एक जना गम्भिर घाईते भएको छ । 
    पूर्व तर्फ जाँदै गरेको स्कोरपियोले बाटो काट्दै गरेको बा १४ प ५०२९ नम्बरको मोटरसाईकललाई ठक्कर दिएको थियो । ठक्करवाट मोटरसाईकल चालक महदेवा गाउँपालिका २ वस्ने   ४५ वर्षीय चन्द्रदेव खंगको दाँहीने खुट्टा चुडीएको इलाका प्रहरी कार्यालय कञ्चनपुरले जनाएको छ । 
    घाइते खंगलाई धर्मेश्वर हस्पिटलमा प्राथमिक उपचार पछि थप उपचारका लागि विराटनगर स्थित गोल्डेन हस्पिटलमा पठाइएको प्रहरीले जनाएको छ । ठक्कर दिएर भाग्ने स्कोरपियोको खोजीपनि भइरहेको प्रहरीले जनाएको छ ।