सुसिन्द्र पासवान
राजविराज,बैशाख २० गते ।
प्रहरीले सप्तरी राजबिराज नगरपालिका  ४ छिन्नमस्ता अस्पताल अगाडीबाट लागु औषध सहित ३ जनालाई पक्राउ गरेको छ ।
लागु औषध नियन्त्रण व्यूरो मधेश प्रदेश तथा  जिल्ला प्रहरी कार्यालय सप्तरीबाट खटिएको विशेष टोलीले सुराकीको आधारमा हनुमाननगर कंकालिनि न.पा.१४ बस्ने सत्य नारायणको यादवको छोरा वर्ष ३५ को बिनोद कुमार यादव, तिलाठि कोईलाडि गा.पा. २ लौनिया बस्ने इस्लाम मिँयाको छोरा  वर्ष २६ को मोहम्द. नसुरुदि मन्सुरी तथा सोही ठाउँका इस्लाम मिँयाको छोरा वर्ष २६ को मोहम्द नसुरुदि मन्सुरीलाई पक्राउ गरेको हो । पक्राउ परेका व्यक्तिहरुकोसाथबाट डाइजेपाम ५०० एएम्पुल,लिजेसिल ५०० एम्पुल र फेनरागन ५०० एम्पुल लागू औषध र स २ प ८६८२, म.प्र.०६–००१ प ०५०८ र प्र.२–०१–००३ प ४४१७ नं को ३ वटा मोटरसाइकल सहित निजहरुलाई फक्राउ गरिएको जिल्ला प्रहरी कार्यालय सप्तरीका प्रवक्ता डिएसपी डुण्डीराज न्योउपानेले जनाएको छ । प्रहरीले पक्राउ गरिएकाहरुलाई सप्तरी जिल्ला अदालतबाट दिन ७ (सात) म्याद थप भई  आवश्यक अनुसन्धान थालेको जनाएको  छ ।