कञ्चनपुर,जेष्ठ १९ गते ।
सप्तरीको कञ्चनरुप नगरपालिका ३ सुब्बाटोल नकिज शनिबार राती करिब ८ः ३० बजे  ट्रयाक्टर दुर्घटना हुदाँ २ जनाको घटनास्थलमै मृत्यु भएको छ भने २२ जनाभन्दा बढी घाइते भएका छन् ।
राजविराजबाट आँप तोडेर कञ्चनपुर आउँदै गर्दा स.१त. ६२९५  नम्बरको ट्रयाक्टर दुर्घटना हुदाँ २ जनाको मृत्यु र कम्तिमा २२ जना भन्दा बढी घाईते भएका छन् । घटनास्थलमा रहेका इलाका प्रशासन कार्यालय कञ्चनपुरका प्रहरी निरीक्षक अवधकिशोर ओझाका अनुसार मृतकहरुको नाम खुलेको छैन र घाईतेको संख्या पनि बढ्रन सक्ने जानकारी दिनु भएको छ । 
घाईतेहरुका उपचार कञ्चनरुप नगरपालिका १२ स्थित धर्मेश्वर हस्पिटलमा भइरहेको छ । हस्पिटलका व्यवस्थापक दिलिप कर्णका अनुसार २३ जनाको उपचार भइरहेको र २ जनाको मृत्यु भएको जानकारी अवलोकितलाई गराएका छन् ।
घाईतेमध्ये अवस्था गम्भिर रहेका केहीलाई थप उपचारका लागि विराटनगर पठाउने जानकारी व्यवस्थापक कर्णले गराएका छन् । प्रहरीले घटनाको थप विवरण संकलन भइरहेको जनाएको छ ।