कञ्चनपुर, जेष्ठ २० गते । सप्तरीको हनुमाननगर कंकालिनी नगरपालिकामा आइतबार दिउँसो ट्याक्टर दुर्घटना हुँदा चालकको घटना स्थलमै मृत्यु भएको छ । 
राजबिराज -भारदह सडक खण्ड अन्तर्गत वडा नम्बर २ मा पर्ने सकरदहीमा  ट्याक्टर दुर्घटना हुँदा चालकको मृत्यु भएको हो। 
 स १ त ३३०५ नम्बरको ट्याक्टर दिउँसो  दुर्घटना हुँदा सोही  नगरपालिकाको वडा नम्बर १  भारदह घर भएका बर्ष  २५ का चालक आनन्द कुमार मण्डलको मृत्यु भएको प्रहरीले जनाएको छ । 
चालक  मण्डलले ट्याक्टर आफै चलाई घरमा हुल्नको लागि माटो ओसार्ने क्रममा अचानक अनियंत्रित भइ सकरदही नजिकैको पुलमा अचानक ठोक्किएर दुर्घटना भइ चालकको  घटनास्थलमै मृत्यु भएको जिल्ला  प्रहरी कार्यालय सप्तरीका प्रवक्ता समेत रहेका डिएसपी दुन्डिराज नेऊपानेले जानकारी गराएका  छन ।
मृतक चालकको शव परिक्षणको लागि  गजेन्द्रनारायण सिंह अस्पताल राजबिराज पठाएको जिल्ला प्रहरी कार्यालय सप्तरीले  जनाएको छ ।