कञ्चनपुर, असार १५ गते ।  
वन तथा वातावरण मन्त्री नवलकिशोर साहले शनिबार अबिरल वर्षाका कारण कञ्चनरुप नगरपालिका ११ स्थित महुली खोलाले भत्काएको बाँधको स्थलगत अनुगमन गरेको छ । 
कञ्चनरुप नगरपालिका नगरप्रमुख पदका प्रत्यासी भोला पासवान, वडा नम्बर ११का वडाअध्यक्ष ललित गोजवार,वडाअध्यक्षका प्रत्यासी उम्मेदबार रामनारायण सदा,कार्यपालिका सदस्य शोभा पासवान,दलित नेता रविन पासवान,स्थानीय उमेश साह लगायत उपस्थिति रहेको थियो ।
मन्त्री साहले चुरे संरक्षण कार्यक्रम अन्तर्गत नदी नियन्त्रका लागि अगामी आर्थिक बर्षमा २१ लाख रकम बिनयोजन गरेको जानकारी गराउँदै जिल्ला प्रशासन कार्यालय र सेना,सशस्त्र प्रहरीसँग समन्वय गरेर तत्काल भत्किएको बाँध नियन्त्रणका लापि पहल भइरहेको जानकारी गराएका थिए । उक्त ठाउँमा करिब सय मिटरभन्दा बढी बाँध भत्किएपछि सयौं विगहा खेत जनताहरुको बगरमा परिणत भएको छ । 
मन्त्री साहले यसअघि  हनुमानगर कंकालिनी नगरपालिका ३ स्थित गिद्धखोरा,महुली बाँध छेऊको डोम बस्ती र पोर्तहामा स्थलगत अनुगमन गरेको छ । विभिन्न ठाउँमा नदी र खहरे खोलामा आएको बाँढीले गरेको क्षतिबारे अस्थलगत अनुगमन गरेको हो । अबिरल वर्षाका कारण सप्तरीको कतिपय स्थान जलमग्न भएको छ । वर्षासँगै ठाउँठाउँमा डुबान हुन थालेको छ ।
मन्त्री साहले स्थलगत अवलोकनका क्रममा संघीय र प्रदेश सरकारसँगको सहकार्यमा नदी नियन्त्रण गर्न आवश्यक पहल गर्ने प्रतिबद्धता व्यक्त गरेका थिए । निरन्तरको वर्षा पछि सप्तरी को अधिकांश स्थान जलमग्न बनेका छन् । महुली खेला , सुन्दरी खोला, बनदरा खोला, पौडा खोला अन्य बिभिन्न सानो सानो खोलाको  पानीले कञ्चनरूप वडा  नम्बर १ बैरवा, वडा नम्बर ११ , ९, ७, ६ ,१२ ,८ र तिरहुत ग.पा.वर्डा नः१ र ह.क.न.पा.३ पोर्ताह लगायतका का धेरै  सडकहरु मा पनी  क्षतिग्रस्त हुनुका साथै गाउँहरू समेत डुबानमा परेका छन् । महेन्द्र राजमार्ग मा पनी क्षति पुर्याएको छ । कञ्चनरुपमा विभिन्न खोलामा आएको बाँढीले सयौं विगहा धान खेत बगरमा परिणत भएको छ ।