कञ्चनपुर,साउन ३२ गते । मृत्यु भएका भतिजाको मुख हेर्न हिडेका दुई जनाको सप्तरीको कञ्चनरुप नगरपालिका ३ बरमझिया स्थित पुर्व पश्चिम राजमार्गमा शुक्रबार  दुर्घटना हुदाँ मृत्यु भएको छ ।
करिब ११ बजेको समयमा पश्चिमबाट पुर्व तर्फ जाँदै  गरेको को.१ ख ७४१४ नम्वरको नेपाल वेल कर्पोरेशन टयाङ्कर ठक्रले पुर्वबाट पश्चिम लहान  जादै गरेको  प्रदेश १–०२–०४७ प १२८० नं. मोटरसाइकलमा सवार हरिनगर गाउपालिका वडा नं. ३ गौतमपुरका अन्दाजी वर्ष ४१ का महेश कुमार मेहताको घटना स्थलमै मृत्यू भएको  प्रहरीले जनाएको छ । मोटरसाइकल चालक जय प्रकाश मेहताको धर्मेश्वर हस्पिटमा उपचार भईरहेको ईलाका प्रहरी कार्यालयले जानकारी दिएका  छन् ।
‘बिहिवार मेरो भाईको छोरा मृत्यु भएको खबरले थाह पाएपछि शुक्रबार विहान हामी ३ वटा मोटरसाईकलमा २÷२ जना बसेर लहान जादै थियौं । हामी घरबाट संगै हिड्यौं तर कोशी ब्यारेज पुग्दा उनी पछाडि भए मअगाडी रुपनगर पुग्दा मलाई फोन मोटरसाइकल दुर्घटना भएको खबर आयो ।’ मृतकको आफन्त विजय कुमार मेहताले भने, ‘ भतिजाको मृत्यु पीडिामा हामी थियौं आज भाईलाई समेत गुमायौं ।’  

मोटरसाइकलमा सवार सोही ठाउँका ४२ वर्षीय जयप्रकाश मेहता घाइते भई गजेन्द्र नारायण सिंह अस्पताल राजबिराज ल्याइएकोमा उपचारको क्रममा उनको पनि मृत्यु भएको प्रहरीले जनाएको छ ।
ट्याङकर चालक सिरहाको कर्जन्हा नगरपालिका-३ का मिथलेश यादबसमेत घाइते भई धर्मेश्वर अस्पताल ठेलियामा उपचार भइरहेको प्रहरीले जनाएको छ । घटनापछि केहीबेर राजमार्ग अवरुद्ध गरिएपनि अहिले सुचारू भएको प्रहरीले जनाएको छ ।

प्रहरीका अनुसार मोटरसाईकल र ट्याङकर ईलाका प्रहरी कार्यालय कञ्नचनपुर सप्तरीको नियन्त्रणमा रहेको छ ।