कञ्चनपुर, भदौं २९ गते ।

कञ्चनरुपका शिक्षा शाखाद्वारा अनुगमन नगर्नाले सामुदायिक विद्यालयको गुणस्तरीय शिक्षा खस्किएको छ। मंगलबार अवलोकन दैनिकका टिमले अनुगमन गर्दा सप्तरीको कञ्चनरुप नगरपालिका वडा नं. ५ स्थित श्री राष्ट्रिय प्राथमिक विद्यालय पिप्रापुर्वमा दोस्रो घण्टीको समयमा एक जना शिक्षक कक्षा कोठामा मस्त निन्द्रामा सुतिरहेको पाइएका छन् ।

उक्त विद्यालयमा बालविकासदेखि कक्षा ५ सम्मका १ सय २५ जना विद्यार्थीमध्ये ६७ जनामात्र उपस्थित थिए। प्रधानाध्यापक फुलमती चौधरीले बताइन् कि विद्यालयमा बालविकास कक्षामा ३५ मध्ये १७, कक्षा १ मा १४ मध्ये ८, कक्षा २ मा २२ मध्ये ११, कक्षा ३ मा २० मध्ये ११, कक्षा ४ मा १७ मध्ये १०, र कक्षा ५ मा १७ मध्ये १० जना मात्र उपस्थित थिए ।

प्रधानाध्यापक चौधरीका अनुसार, उक्त विद्यालयमा १२५ विद्यार्थीमध्ये १ सय २० जना दलित बालबालिका छन् भने ५ जना चौधरी समुदायका विद्यार्थी मात्र छन् । विद्यालयमा ३ जना दरवन्दी, २ जना राहत, २ जना बालविकास, र १ जना कक्षा सहायक गरी कुल ८ जना कर्मचारी छन् ।

पालिकाको शिक्षा शाखाबाट दिवा खाजाको सम्बन्धमा हालसम्म केही निर्णय भएको छैन् । केही व्यक्तिहरूले भदौको अन्तिममा दिवा खाजा वितरणको कुरा गरेका छन्। कञ्चनरुप नगरपालिकाको शिक्षा शाखा प्रति स्थानीयको गुनासो रहेको छ कि अनुगमनमा ध्यान नदिएको छ।