अवलोकित सामाचारदाता
कञ्चनपुर,मंसिर ४ गते । कञ्चनरुप नगरपालिका–४ जगतपुर स्थित एक जनाको घरमा आगलागी हुदा १ लाख ८० हजार बराबरको धनमाल जलेर नष्ट भएको छ । 
    लामखुट्टे धपाउन बालेको घुरबाट आगो सल्कीन गई स्थानिय न.पा. ४ जगतपुर बस्ने झोटाई यादवको फुसको छानो भएको घर जलेर खरानी भएको छ । यादबको उक्त घर भित्र रहेको समानहरु पूर्ण रुपमा क्षती भएको ईलाका प्रहरी कार्यालयका डिएसपी मकेन्द्र कुमार मिश्रले जनाएको छ । 
    आगलागीबाट क्षती भएको साईकल १ थान, साडी ७ वटा, काठको खाट १ थान, धान २ सय किलो, चमल ४० किलो, काठको ढोका १ थान, काठको बक्सा १ थान,भडा कुडा र लताकपडा गरी अन्दाजी १ लाख ८० हजार मूल्य बरावरको सरसमानहरु जली नष्ट भएको मिश्रले बताए । आगोलाई स्थानिय र प्रहरीको सहयोगमा  नियन्त्रण लिएको थियो ।