अवलोकित संवाददाता
.jpeg)
महोत्तरी,कार्तिक ९ गते । ध्वनि प्रदूषणको समस्या समाधानको उद्देश्यले पिपरा गाउँपालिका वडा नं. ४, महोत्तरीमा आज एक विशेष जनचेतनामूलक कार्यक्रम सम्पन्न भएको छ। हालै जारी गरिएको "ध्वनि प्रदूषण (नियमन तथा नियन्त्रण) ऐन २०८०" को प्रचारप्रसार गर्दै ऐनको प्रभावकारी कार्यान्वयनबारे जानकारी गराउन कार्यक्रमको आयोजना गरिएको हो।
ध्वनि प्रदूषणका कारण स्थानीय जनताले स्वास्थ्य, मानसिक शान्ति, र दैनिक जीवनमा समस्याहरू भोगिरहेका थिए। यसले गर्दा जिल्लामा नागरिकहरूद्वारा ध्वनि प्रदूषणविरुद्ध उजुरीसमेत परेको थियो। जिल्ला प्रशासन कार्यालयले यसलाई गम्भीर रूपमा लिएर सम्वन्धित निकायसँग समन्वय गरी गाउँपालिकालाई ध्वनि प्रदूषण नियन्त्रणका लागि ऐन निर्माण गर्न सुझाव दिएको थियो। यसै सन्दर्भमा पिपरा गाउँपालिकाले "ध्वनि प्रदूषण (नियमन तथा नियन्त्रण) ऐन २०८०" निर्माण गरी राजपत्रमा प्रकाशन गरिसकेको छ, जसले ऐनको कार्यान्वयन र प्रचारप्रसारको आवश्यकता औंल्याउँछ।
पिपरा गाउँपालिकाले आयोजना गरेको यस कार्यक्रममा स्थानीय बुद्धिजीवी, बासिन्दा, बाजा व्यवसायी, र स्थानीय प्रहरी प्रतिनिधिको उपस्थिति रहेको थियो। कार्यक्रमले स्थानीय स्तरमा ऐनको प्रभावकारी कार्यान्वयनको सुरुवात गर्न, ध्वनि प्रदूषण नियन्त्रणका विधिहरू लागू गर्न, र जनतालाई कानूनी व्यवस्थाबारे सचेत बनाउन सहयोग पुर्याएको छ। कार्यक्रममा स्थानीयवासी र बाजा व्यवसायीहरूले यो ऐन र यसको व्यवस्थाबारे जानकारी पाएर खुसी व्यक्त गरेका थिए।
यस कार्यक्रमका क्रममा पिपरा गाउँपालिकाले तयार पारेको जनचेतनामूलक ब्यानरसमेत सार्वजनिक गरियो। ब्यानरमा ध्वनि प्रदूषणका असरहरू र नियन्त्रणका उपायहरू स्पष्ट रूपमा उल्लेख गरिएका थिए। ब्यानरले निम्न मुख्य सन्देशहरू प्रवाह गरेको छ:
वडा अध्यक्षका अनुसार, ध्वनि प्रदूषण नियमन ऐनले सार्वजनिक स्थलहरू (जस्तै स्कूल, हस्पिटल, र सरकारी कार्यालयहरू) का २०० मिटर वरिपरिका क्षेत्रमा बाजा बजाउन प्रतिबन्ध लगाएको छ। यसले सार्वजनिक शान्ति र स्वास्थ्य सुरक्षामा टेवा पुर्याउने अपेक्षा गरिएको छ। ऐनको प्रावधानअनुसार, अब स्थानीय बासिन्दाले बाजा भाडामा लिन वा कुनै विशेष अवसरमा बाजा बजाउन आवश्यक परेको खण्डमा वडा कार्यालयबाट सिफारिस प्राप्त गर्नुपर्नेछ। यो प्रक्रिया ध्वनि प्रदूषणको नियन्त्रण र व्यवस्थापनमा सहयोग पुर्याउने उद्देश्यले लागू गरिएको छ।
पिपरा गाउँपालिकाले ध्वनि प्रदूषण सम्बन्धी ऐन २०८० को प्रभावकारी कार्यान्वयन गर्न एउटा विशेष समिति गठन गर्ने निर्णय गरेको छ। यसले ऐनको कार्यान्वयनलाई सहज बनाउँदै जनताको स्वास्थ्य र शान्ति कायम राख्न सहयोग पुर्याउनेछ।
पहिलो पटक यस्तो ऐन बनाइएर ध्वनि प्रदूषण नियन्त्रणमा लगाइएको स्थानीय कार्यक्रम आयोजना हुँदा बाजा व्यवसायी र स्थानीय जनतामा उत्साह देखियो। धेरैले यस्तो ऐनले व्यवसायलाई बन्द गर्न नभई व्यवस्थित गर्न भूमिका खेल्ने बताउँदै ऐन कार्यान्वयनमा सहयोग गर्ने प्रतिवद्धता व्यक्त गरे। बाजा व्यवसायीहरूले ऐनले व्यापारमा नकारात्मक असर नगर्ने स्पष्ट पार्दै, ऐनको मर्मअनुसार काम गर्न तयार रहेको जनाए।
वडा अध्यक्षले ऐनको उद्देश्य ध्वनि प्रदूषणलाई पूर्ण रूपमा बन्द गर्ने नभई नियन्त्रण र नियमन गर्ने रहेको स्पष्ट पारे। उनले भने, “यो ऐन स्थानीयबासीको शान्ति र स्वास्थ्य सुरक्षाका लागि हो। बाजा व्यवसायीलाई ऐनको पालना गर्ने सन्देश दिनुका साथै व्यवस्थापनलाई सुदृढ बनाउने कार्यमा यो पहल महत्वपूर्ण हुनेछ।”
पिपरा गाउँपालिकाले ऐन कार्यान्वयनका लागि जनचेतनामूलक कार्यक्रमहरूलाई आगामी दिनमा पनि निरन्तरता दिने योजना बनाएको छ। यसले गर्दा समुदायमा ध्वनि प्रदूषणको प्रभाव र नियन्त्रणका उपायबारे थप जागरूकता फैलिने अपेक्षा गरिएको छ।
.gif)
-1.gif)
प्रतिक्रिया