कञ्चनपुर,कार्तिक १९ गते । सप्तरीको कञ्चनरुप नगरपालिका-४, गमहरियामा कोशी नदीमा नुहाउने क्रममा ३ जना बालिकाको डुबेर मृत्यु भएको छ। करिब १२ बजेतिर कोशी नदीमा नुहाउँदै गर्दा केराको थाम समातेको अवस्थामा उनीहरु ठूलो पानीको वहावमा परेर डुबेका थिए।

स्थानीयका अनुसार, दुर्घटनामा श्रवण महतोकी छोरी करिब ९ वर्षीया प्रतिभा महतो, सुरेश सदाकी छोरी करिब ७ वर्षीया जितनी सदा र श्याम कुमार खङ्गकी छोरी करिब ८ वर्षीया काजल खङ्ग परेका छन्। घटनामा दुई बालिकाको शव फेला परेको छ भने एक जनाको खोजी जारी रहेको स्थानीयले जानकारी दिएका छन्।

दुर्घटनापछि स्थानीय प्रहरी र बासिन्दाहरू खोज तथा उद्धार कार्यमा संलग्न छन्।