कञ्चनपुर, कार्त्तिक २३ गते ।

सप्तरी जिल्लाको कञ्चनरूप नगरपालिका, वडा नम्बर ४, झनकटा स्थित कोशी मेला ग्राउन्डमा जारी दोस्रो वडा अध्यक्ष कप फुटबल प्रतियोगितामा चिमटि अगाडि टिमले फाइनल खेलमा शानदार प्रदर्शन गर्दै उपाधी आफ्नो पक्षमा पारेको छ। फाइनल खेलमा चिमटि अगाडि टिमले प्रतिद्वन्द्वी शम्भुनाथ युवा क्लबलाई १-० को गोल अन्तरले पराजित गर्दै विजय हासिल गरेको हो।

प्रतियोगिताको अध्यक्षता जोगेन्द्र पासवानले गरेका थिए भने मुख्य रेफ्रीको भूमिका प्रेमकान्त चौधरीले निभाएका थिए। साइड रेफ्रीका रूपमा शशिकान्त चौधरी र अभिनाश चौधरीले पनि महत्वपूर्ण भूमिका खेलेका थिए। खेल समापनपछि आयोजकहरूले सम्पूर्ण खेलाडीहरूलाई सिल्ड र पुरस्कार वितरण गरेका थिए।

यस प्रतियोगिताप्रति स्थानीय खेलप्रेमीहरूमा पनि विशेष उत्साह देखिएको थियो। कञ्चनरूपका स्थानीयवासीहरूले खेलाडीहरूको प्रदर्शनलाई निकै प्रशंसा गर्दै आगामी वर्षहरूमा अझ भव्य आयोजनाको अपेक्षा गरेका छन्।