कञ्चनपुर, मंसिर ८ गते ।
शम्भुनाथ नगरपालिका वडा नं–१० जमुवा स्थित श्यामवरण मण्डलको घरमा आज बेलुका करिब ३ः३० बजे सर्टसर्किटका कारण आगलागी हुँदा दुई घर पूर्ण रूपमा जलेर नष्ट भएको छ।
घरमा आगो लाग्दा मण्डलको बुहारी सन्ता कुमारी मण्डल र उनकी श्रीमती सुदमा देवी मण्डलका अनुसार घरभित्र रहेका जिन्सी सामान, खाद्यान्न सामग्री, विदेशबाट पठाइएको २ लाख ५० हजार रुपैयाँसहित जम्मा ४ लाख ५० हजार रुपैयाँ बराबरको क्षति भएको छ।
आगलागीका कारण श्यामवरण मण्डलको छिमेकी रामो मण्डलको एउटा घर पनि पूर्ण रूपमा जलेको जानकारी प्रत्यक्षदर्शी रामकृष्ण रामले दिएका छन्।
स्थानीय बासिन्दाको सहयोगमा आगो नियन्त्रणमा लिइएको भए पनि घटनाले ठूलो क्षति पुर्याएको छ। पीडित परिवारले तत्काल राहतको अपिल गरेका छन्।