कञ्चनपुर, पुस ६ गते ।
सप्तरीको कञ्चनरुप नगरपालिका–८, बेरियरस्थित सहयोगी बचत तथा ऋण सहकारी संस्था लिमिटेडले आर्थिक वर्ष २०८०र८१ मा १ करोड १ लाख ३४ हजार ३७ रुपैयाँ नाफा कमाएको छ । संस्थाले संघीय सरकारलाई ३३ लाख ३७ हजार १५५ रुपैयाँ कर तिर्नुका साथै ४४ करोड ५९ लाख रुपैयाँको कुल आयव्यय गरेको प्रतिवेदन साधारण सभामा प्रस्तुत गरिएको छ ।
शनिबार आयोजित १७औं वार्षिक साधारण सभामा संस्थाका अध्यक्ष अनोज कुमार यादवको अध्यक्षतामा कञ्चनरुप नगरपालिकाकी उपप्रमुख मुनाकुमारी पोखरेलको प्रमुख आतिथ्य रहेको थियो । कार्यक्रममा व्यवस्थापक विनोद कुमार दासले सहकारीले ३५ करोड २१ लाख ७६ हजार ७८१ रुपैयाँ बचत तथा निक्षेप संकलन गरेको र ३२ करोड १३ लाख ३३ हजार ५१० रुपैयाँ ऋण लगानी गरेको जानकारी दिए ।
साधारण सभालाई सम्बोधन गर्दै उपप्रमुख पोखरेलले सहकारीले स्थानीय अर्थतन्त्रलाई मजबुत बनाउन गरेको योगदानको प्रशंसा गरिन् । उनले सहकारीहरूलाई थप सशक्त बनाउन नगरपालिकाबाट बजेट विनियोजन गरी चेतनामूलक कार्यक्रम सञ्चालन गरिने प्रतिबद्धता व्यक्त गरिन् ।
तिरहुत गाउँपालिकाका पूर्व अध्यक्ष हेमन्त कुमार बहरखेर ९मनोज० ले सहकारीको शाखा कार्यालयलाई ६० हजार रुपैयाँ बराबरको फर्निचर सहयोग गरे । उनले सहकारीहरूले सामुदायिक विकासमा खेलेको भूमिका महत्त्वपूर्ण रहेको बताए ।
कार्यक्रममा वडा नं । १ का अध्यक्ष रवाण खान, वडा नं । ६ का अध्यक्ष बच्चुलाल चौधरी, समाजसेवी भोला मुखिया, दलित सरोकार मञ्चका कार्यकारी निर्देशक भोला पासवान, र मिथिला सहकारीका अध्यक्ष राजेन्द्र यादवलगायतले शुभकामना मन्तव्य व्यक्त गरे ।
सहकारीका सचिव शोभाकान्त गुप्ताले चालू र अघिल्लो आर्थिक वर्षको खर्च प्रतिवेदन प्रस्तुत गरे । सहकारीका उपाध्यक्ष सञ्जय खडगाले असल ऋणी र बचतकर्तालाई सम्मान गर्ने योजना रहेको जानकारी दिए ।
कार्यक्रममा २,२५५ सदस्य रहेको सहकारीले महिला सदस्यको संख्या १,३५६ र पुरुष सदस्यको संख्या ९०२ रहेको जानकारी गराइएको थियो । संस्थाले ऋण लगानीको अधिकतम सीमा ३५ लाख रुपैयाँ तोकेको छ ।
कार्यक्रमको सञ्चालन कृष्णलाल यादवले गरेका थिए । साधारण सभाले सहकारीको समर्पण र सामुदायिक योगदानलाई उजागर गर्दै स्थानीय विकासमा थप योगदान पु¥याउने प्रतिबद्धता व्यक्त गरेको छ ।