कञ्चनपुर, माघ २५ गते ।
कञ्चनरुप नगरपालिका ८ स्थित मिथिला होटेलमा २३ माघदेखि २६ माघसम्म सञ्चालन भएको व्यावसायिक गाई र भैंसी पालन तालिम शुक््रmबार सफलतापूर्वक सम्पन्न भएको छ । यस तालिममा कञ्चनरुप नगरपालिकाका प्रत्यासी उमेदवार, भोला पासवानले तालिममा सिकेका सीपलाई व्यवहारमा लागु गर्न र अन्य सदस्यहरूलाई पनि यसका फाइदाहरूको जानकारी गराउन आग्रह गरे ।
तालिम सम्मापन सत्रमा बोल्दै पासवानले लघुवित्त ऋणको सही उपयोगका बारेमा चर्चा गर्दै भने, “लघुवित्त ऋणले निर्धन वर्गको आर्थिक समृद्धि र गरिबी निवारणमा 
महत्त्वपूर्ण भूमिका खेल्न सक्छ, तर यसको सही प्रयोग र व्यवस्थापन आवश्यक छ ।“ उनले थपे, “यस तालिमले प्राप्त सैधान्तिक ज्ञानलाई व्यवहारिक रूपमा लागू गर्नु आवश्यक छ र त्यसको लागि गाई र भैंसी फार्महरूको अवलोकन भ्रमणले सहभागीहरूलाई प्रोत्साहित गर्नेछ ।” पासवानले थपे, “यस प्रकारका तालिमहरूले स्थानीय समुदायका सदस्यहरूको आर्थिक स्थिति सुधार्न र सामाजिक स्तरमा परिवर्तन ल्याउन ठूलो क्षमता राख्छ ।”
कञ्चनरुप शाखाका व्यवस्थापक अजय कुमार मेहता जानकारी गराउनुभयो कि तालिममा सहभागिहरूलाई सैधान्तिक ज्ञानका साथै व्यवहारिक ज्ञान पनि प्रदान गरिएको छ । 
उनले भने, “गाई र भैंसी पालन व्यवसायको सफल सञ्चालनका लागि ज्ञान र अनुभवको समायोजन आवश्यक छ, र यसका लागि फार्म अवलोकन भ्रमण आयोजना गरियो ।”
तालिमको समापन अवसरमा, पासवानले स्थानीय समुदायका सदस्यहरूलाई कृषि र पशुपालनमा लगानीका अवसरहरूको बारेमा गहिरो बुझाइ प्राप्त गर्न आह्वान गर्दै, लघुवित्त ऋणको सही प्रयोग र प्राविधिक सहयोगको महत्त्वमा जोड दिए ।
कार्यक्रममका बिशिष्ट अतिथि मधेश प्रदेशका स–व्यवस्थापक प्रदिप कुमार दास रहेका थिए । कार्यक्रमका सभापति लिला श्रेष्ठ र कार्यक्रम संचालक लेखा अधिकृत राम दिनेश मेहता थिए । 
यस कार्यक्रममा ३९ जना महिलाले सहभागिता जनाए, जसले लघुवित्त कर्जाको माध्यमबाट व्यवसायिक क्षमता र आत्मनिर्भरता बढाउनका लागि तालिमलाई महत्त्वपूर्ण ठानेका छन् । 
तालिममा सहभागीहरुलाई भोला पासवान, प्रदिप कुमार दास, अजय कुमार मेहता, लेखा अधिकृत राम दिनेश मेहता, प्रशिक्षक द्वय दिवाकान्त चौधरी र बेचन सढोकले बितरण गरेका थिए ।