कञ्चनपुर,फागुन १९ गते ।

सप्तरीको सप्तकोसी नगरपालिकाको फत्तेपुरस्थित खोरिया टोलमा सोमबार बिहान बाघ पसेको छ । बाघको आक्रमणबाट गणेश खत्री, कृष्ण विष्ट, र रिजाना गोसाई घाइते भएको  प्रहरीले जनाएको छ ।
स्थानीयका अनुसार बाघ बस्तीमा पसेपछि त्रासको वातावरण सिर्जना भएको छ । सर्वसाधारण भागाभाग गर्न थालेपछि प्रहरी चौकी फत्तेपुरका सुरक्षाकर्मी बाघ नियन्त्रणका लागि परिचालित भएका छन् ।
प्रहरीको प्रारम्भिक अनुमान अनुसार बाघ कोसी टप्पु वन्यजन्तु आरक्षबाट आएको हुनसक्छ । केही समयदेखि सोही क्षेत्रको एउटा फर्निचर उद्योगमा बाघ लुकेको बताइएको छ । बाघलाई सुरक्षित रूपमा नियन्त्रणमा लिन वन विभाग तथा कोसी टप्पु वन्यजन्तु आरक्षसँग समन्वय गरी आवश्यक कदम चाल्ने प्रयास भइरहेको प्रहरी स्रोतले जनाएको छ ।