एसईई परीक्षाको तयारीमा अनुशासन, मेहनत र समय व्यवस्थापन अनिवार्य छः मेयर प्रत्याशी भोला पासवान

...

कञ्चनपुर फागुन २९ गते ।
कञ्चनरुप नगरपालिकाका मेयरका प्रत्यासी भोला पासवानले विद्यार्थीहरुलाई अनुशासित, मर्यादित रहनुका साथै समय व्यवस्थापन गरी एसईई परीक्षाको तयारी गर्न आग्रह गर्नुभएको छ ।
सप्तरीको कञ्चनरूप नगरपालिका ८ कञ्चनपुरमा  रहेको बाल बोध सेकेन्डरि इङ्गलिस बोर्डिङ्ग स्कूलले सोमबार एक कार्यक्रमका बिच कक्षा १० का विद्यार्थीहरुलाई बिदाई गर्न आयोजित समारोहलाई सम्बोधन गर्दै पासवानले सो कुरा बताएका हुन् । विद्यालयमा अध्ययनरत कक्षा ९ तथा विद्यालय परिवारको आयोजनामा यहि आउँदो चैत्र ७ गतेदेखि हुन गइरहेको एसईई परीक्षामा सम्मिलित हुने विद्यार्थीहरुलाई विदाइ गरेको हो  ।
कार्यक्रमका क्रममा पासवानले परीक्षालाई जीवनको महत्वपूर्ण चरण भन्दै मनोबल उच्च राख्न सुझाव दिनुभयो । साथै, पासवानले एसईई परीक्षा सम्पन्न गरेपछि विद्यार्थीहरुलाई उज्जवल भविष्यका लागि शुभकामना समेत दिनुभएको थियो ।
विद्यालयका संस्थापक प्रधानाध्यापक संजय खड्गाको अध्यक्षता तथा सामजसेवी खिखर प्रसाद साहको प्रमुख आतिथ्यतामा एक समारोहका विच उनीहरुलाई विदाइ गरिएको विद्यालयले जनाएको छ  । कार्यक्रममा कक्षा १० का विद्यार्थीहरुलाई टीका, माला ,खादा र मायाको चिनो दिएर विदाई गरिएको विद्यालयका शिक्षक प्रकाश पंडितले बताए  । 
बिदाइ समारोहमा शिक्षक नारायण खड्काद्वारा व्यक्त गरिएको भावनात्मक मन्तव्य, बिद्यार्थीहरूको उज्ज्वल भविष्यको कामना गर्दै, उनीहरूले डाक्टर, इञ्जिनियर, पाइलट जस्ता पेशा अपनाउने विश्वास व्यक्त गर्नुभएको छ  । साथै, विद्यालयमा सिकेका कुराहरू भविष्यमा उपयोगी हुने र उनीहरू ठूला व्यक्तित्व बन्ने आशा राख्नुभएको छ  ।
निरज राउतले आफ्ना भावनाहरू व्यक्त गरे । उनले भने, “यी बालबोधका क्षेत्रहरू हेर्दा हामीलाई अपार गर्व महसुस हुन्छ  । यहाँहरूबाट प्राप्त हुने सफलता नै हाम्रो मेहनत र परिश्रमको प्रतिफल हो  । लामो समयसम्म एउटै परिवारका सदस्यझैं संगै बसेपछि अब छुट्ने समय आएको छ, जसले भावुक बनाइयो  ।
आयोजित बिदाइ कार्यक्रममा शिक्षक सन्तोष शाहले विद्यार्थीहरूको सफल यात्राप्रति खुशी व्यक्त गरे  । उनले भने, “विद्यालयमा तिमीहरूले सफलता प्राप्त गरेको देख्दा अत्यन्त हर्ष लागेको छ  । तिमीहरूको मेहनत र लगनशीलता हेर्दा निश्चय नै तिमीहरू भविष्यमा सफल हुनेछौ भन्ने मलाई पूर्ण विश्वास छ  ।
 चैत ७ गतेदेखि सञ्चालन हुन लागेको एसईई परीक्षालाई ध्यानमा राख्दै सहयोगीका अध्यक्ष अनोज कुमार बहर्खेलले विद्यार्थीहरूलाई उज्ज्वल भविष्यको शुभकामना व्यक्त गरे  । उनले भने, “तिमीहरूको भविष्य उज्ज्वल र सफल रहोस् भन्ने कामना गर्छु  । साथै, होली पर्वको अवसरमा सबैलाई शुभकामना व्यक्त गरेका थिए  ।
 

प्रतिक्रिया