कञ्चनपुर, चैत्र २१ गते ।
 नेपाल राष्ट्रिय शिक्षक संगठन, कञ्चनरुप नगरपालिकाको तेस्रो नगर अधिवेशन भव्य रूपमा सम्पन्न भएको छ। बिहीबार कञ्चनरुप नगरपालिका अन्तर्गत सर्वोदय माध्यमिक विद्यालय सभाहलमा सम्पन्न अधिवेशन नेपाल राष्ट्रिय शिक्षक संगठन, नगर समिति, कञ्चनरुप, सप्तरीको आयोजनामा सम्पन्न भएको हो।
 कार्यक्रममा प्रमुख अतिथिका रूपमा सर्वोदय माध्यमिक विद्यालयका प्रधानाध्यापक तरानन्द मलिक उपस्थित थिए। कार्यक्रममा संगठनका विभिन्न पदाधिकारी, शिक्षक, अभिभावक, तथा स्थानीय प्रतिनिधिहरूको उपस्थिति रहेको थियो। उद्घाटन सत्रमा शिक्षाको गुणस्तर सुधारका लागि शिक्षकहरूको भूमिकाबारे चर्चा गर्दै संगठनलाई थप सशक्त बनाउनुपर्नेमा जोड दिनुभयो।
 उक्त नगर अधिवेशनमा संगठनको नयाँ कार्यसमिति चयन गरिएको छ। अध्यक्षमा महेश परियार, उपाध्यक्षमा रेणु भट्टराई र दिनेश यादव, कोषाध्यक्षमा परशुराम शर्मा, सचिवमा श्रावण कुमार चौधरी, सह-सचिवमा लक्ष्मी कुमारी चौधरी चयन भएका छन्। साथै, सदस्यहरूमा योगेन्द्र कुमार गोईत, उषा थापा, बिनोद कुमार साह, भुवनेश्वर पुकार, सुनिता कुमारी सिंह, रम्भा देवी यादव, देवन्ती चौधरी, गणेश मेरता यादव, चुडामणि आले मगर, नव किशोर ठाकुर र मधुमाला चौधरी चयन भएका छन्।
 नेपाल राष्ट्रिय शिक्षक संगठन, नगर समिति, कञ्चनरुप, सप्तरीका पूर्व अध्यक्ष रामनारायण साहले नयाँ कार्यसमिति चयन भएको जानकारी दिएका छन्। उहाँले संगठनले विगतका गतिविधिहरूलाई अझ प्रभावकारी बनाउन र आगामी दिनमा शिक्षक हकहितका लागि थप संघर्ष गर्ने प्रतिबद्धता व्यक्त गर्नुभयो।
 "गौरवशाली विगत, चुनौतीपूर्ण वर्तमान, गुणस्तरीय शिक्षाका लागि शैक्षिक सुधार" भन्ने नाराका साथ आयोजित उक्त अधिवेशनमा शिक्षकहरूको उत्साहजनक सहभागिता रहेको थियो।
 कार्यक्रमको दोस्रो सत्रमा संगठनको भावी रणनीतिबारे विस्तृत छलफल भएको थियो। अधिवेशनले स्थानीय शैक्षिक सुधारका मुद्दाहरूमा गहिरो बहस गर्दै संगठनलाई थप प्रभावकारी बनाउन महत्वपूर्ण निर्णयहरू गरेको बताइएको छ। सहभागी शिक्षकहरूले आफ्नो पेशागत विकासका लागि संगठनको भूमिका र सरकारी नीतिहरूमा सुधार आवश्यकताबारे सुझाव प्रस्तुत गरेका थिए।
 यस अवसरमा विभिन्न वक्ताहरूले शिक्षाको वर्तमान अवस्था, नीति निर्माणमा शिक्षकहरूको भूमिका, तथा शिक्षालय सुधारका उपायहरूमाथि प्रकाश पारे। अधिवेशनको समापन सत्रमा नव-निर्वाचित अध्यक्ष महेश परियारले शिक्षाको गुणस्तर सुधार गर्न शिक्षक संगठनले सामूहिक रूपमा काम गर्नुपर्ने धारणा व्यक्त गरे।
 अधिवेशन भव्य रूपमा सम्पन्न भएकोमा आयोजक तथा सहभागीहरूमा खुसी व्यक्त गरिएको छ।