अवलोकित सामाचारदाता
कञ्चनपुर,माघ ४ गते । सहयोगी बचत तथा ऋण सहकारी संस्था लिमिटेड कञ्चनरुप ८ वेरियरले १३ औं वार्षिक उत्सवको अवसरमा इलाका प्रहरी कार्यालय कञ्चनपुरलाई सिसिटिभि क्यामेरा र स्टेशनरी प्रदान गरेको छ ।

           शुक्रवार सहयोगीको कार्यालयमा एक कार्यक्रम विच इलाका प्रहरी कार्यालय कञ्चनपुरका प्रमुख डिएसपी मकेन्द्र कुमार मिश्रलाई सिसिटिभि क्यामेरा र स्टेशनरी संस्थाका अध्यक्ष अनोज कुमार यादवले हस्तान्त्रण गरेका थिए । डिएसपी मिश्रले सहयोगीले सिसिटिभि क्यामरा सहयोग गरेपछि त्यसले शान्तिसुरक्षा र दुर्घटनागरी भागेका गाडी पत्तालगाउन सहयोग पुग्ने बताए । इलाका प्रहरी अगाडी जडान गरिएको सिसिटिभि क्यामरा विग्रीएको महिनो भइसक्दा पनि सरोकारवाला निकायले चाँसो नदिएपछि संस्थाको तर्फवाट २ वटा सिसिटिभि क्यामरा प्रदान गरेको सहयोगीका अध्यक्ष अनोज कुमार यादवले वताए । उक्त अवसरमा सहयोगीका उपाध्यक्ष संजय खडका, सचिव शोभाकान्त गुप्ता, कोषाध्यक्ष सुरेन्द्र प्रसाद माझि, संस्थाका व्यवस्थापक विनोद कर्ण लगायतका पदाधिकारी तथा कर्मचारीहरुको उपस्थिति रहेको थियो । संस्थाका अध्यक्ष यादवले १३ औं वर्ष लेखिएको केक काटेको थियो ।