शिव प्रसाद आर्चाय
फत्तेपुर,माघ १४ गते । सप्तकोसी नगरपालिका वडा नं. ८ ओद्राहामा संचालित दोस्रो वडा अध्यक्ष कप प्रतियोगिताको उपाधी बेल्टार ११ उदयपुरले उचालेको छ।
          माबि ओद्राहाको प्राङ्गणमा सप्पन्न बेल्टार ११ र लाहान सिराहा बिच सप्पन्न  फाइनल खेलमा बेल्टारले  १–० को जित निकाल्दै आफ्नो जित सुनिश्चित गरेको हो ।जितका लागि आशिष् राइले गरेको गोल नै निर्णायक बन्यो।
                प्रोग्रेसिभ युवा क्लब ओद्राहाद्वारा आयोजित प्रतियोगिताको समापन कार्यक्रम मा बेल्टारका खेलाडी शक्ति राई बेस्ट गोल किपर घोषित भए भने बेल्टारकै सौजन राई उत्कृष्ट खेलाडी घोषित भए।त्यस्तै बेल्टारका आशिष् राई बेस्ट गोलर भए।
    बिजयीसंगै बेल्टारले तीस हजार नगद संगै ट्रफि हात पार्यो भने लाहान ११ ले २० हजार नगद र ट्रफिमा चित्त बुझायो । प्रतियोगितामा सप्तरी ,सिराहा ,उदयपुर र सुनसरीका गरि ८ टिमको सहभागीता रहेको थियो।
  बिजयी खेलाडी लाई कार्यक्रमका प्रमुख अतिथी सप्तकोसी नगरपालिका प्रमुख उत्तम गौतम र उप प्रमुख आशा चौधरी ले पुरस्कार बितरण गरेका थिए। क्लबका अध्यक्ष एक्सन चौधरीको अध्यक्षतामा सप्पन्न कार्यक्रममा वडा अध्यक्ष केदार प्रसाद साहले धन्यवाद ज्ञापन गरेका थिए।