शिव प्रसाद आचार्य
फत्तेपुर,फागुन ७ गते । दारी ग्याङ्गको चौथो वार्षिक उत्सवको अबसर पारेर दारी ग्याङ फत्तेपुरले सोमबार विभिन्न कार्यक्रम सप्पन्न गरेको छ।
      फत्तेपुरको दुर्गा मन्दिरको प्राङ्गणमा दारी ग्याङ्ग फत्तेपुरले नगर स्तरिय अन्तर बिधालय चेस प्रतियोगिता र प्लस टु लेवलको  हाजिरी जवाफ प्रतियोगिता सम्पन्न गरेको छ।
      बुद्विचाल (चेस) प्रतियोगितामा मदरमेमोरियल सेकेन्ड्री स्कुलका नितेश अधिकारी प्रथम भए भने लिटिल स्टार इ. स्कुलका प्रतीक विष्ट द्वितीय भएको दारी ग्याङ फत्तेपुर का सद्स्य विस्वाश पोखरेलले बताए। बिजेताहरुलाई सप्तकोसी नगरपालिकाकी उपमेयर आशा चौधरी र प्याब्सनका नगर    अध्यक्ष शिव प्रसाद आचार्यले ट्रफी,मेडल,प्रमाणपत्र बितरण गर्नु भएको थियो।
           त्यसै गरि हाजिरीजवाफ प्रतियोगितामा उदयपुरको चौदन्डीगढी नगरपालिकाको नारदमुनि आदर्शमा बि प्रथम , सप्तकोसी नगरपालिका वडा नं. २ को गोबैजमा बि द्वितीय र मोदर मेमोरियल कलेजले तृतिय स्थान हासिल गरेको आयोजक दारी ग्याङका सद्स्य शंकर राउतले बताए। बिजेताहरुलाई बुद्विचालका उदयपुर जिल्ला अध्यक्ष कर्ण बहादुर बस्नेत ,सप्तकोसी नगरपालिका वडा नं. १ का वडा अध्यक्ष नारायण आचार्य र प्रमुख अतिथी नगर प्रमुख उत्तम कुमार शर्मा   नगद,ट्रफी र प्रमाणपत्र बितरण गर्नुभएको थियो। कार्यक्रमको सन्चालन    दारी ग्याङ फत्तेपुर का अध्यक्ष अरुण कटवालले गरेका थिए।