अवलाेकित सामाचारदाता

अग्निसाईर कृष्णासवरन, २० फागुन । सप्तरीको अग्निसाईर कृष्णासवरन गाउँपालिका वडा नम्बर १ कि एक ५५ बर्षिय महिला मृत फेला परेकी छिन । गत १८ गते गोठालो गएकी मजादेवी सरदर दुईदिन पछि जंगलमा मंगलबार मृत भेटिएको हो । स्थानीय बैजनाथ देवि थरुनीको घरमा बस्दै आएकी सरदार दुई दिन अगाडि गाईलिएर जंगल गएको थियो ।

गोठालो गएको सरदार घर नफर्के पछि आफान्तले खोजतलासका लागि प्रहरीमा उजुरी दिएका थिए ।खोजतलास गर्नेक्रममा सरदारलाई मृत अबस्थामा भेटिएको प्रहरीले जनाएको छ । घटना स्थलमा ईलाका प्रहरी कार्यालय कंचनपुरका प्रमुख प्रहरी नायव उपरीक्षक मकेन्द्र कुमार मिश्राको नेतृत्वको प्रहरी टोलिले आबश्यक प्रक्रिया पूरा गरि लास उठाएका छ्न । लासको प्रकृति हेर्दा हात्तीले आक्रमण गरि मारेको जस्तो देखिए पनि लासको परिक्षण पछि मात्र थाहा हुने प्रहरीको भनाई छ ।

मृतक सरदारको ढाड र टाउकोमा हात्तीले कुल्चेको डाम रहेको स्थानीयले बताएको छ । स्थानीयको अनुसार हात्ती सोही बनक्षेत्रमा बस्दै आएको  छ । घटना स्थलमा लछारपछार गरेर घिसारेको ठाउँ रहेकोले हात्तीले महिलाको ज्यान लिएको हुन सक्ने स्थानीयबासीले बताएका छ्न  । महिलाको शव परिक्षणका लागि गजेन्द्र नारायण सगरमाथा अञ्चल अस्पताल पठाइएको तथा घटना बारे थप अनुसन्धान भईरहेको प्रहरीले जनाएको छ । मृतक महिलाको घर रुपनी गाउँपालिका वडा नम्बर ६ तेरहौतामा भएपनी उनको पति दुखी सरदारको मृत्यु पछि माईती गाउँ मा बस्दै आएको     थियोे ।