अवलाेकित सामाचारदाता

अग्निसाईर कृष्णासवरन,फागुन २५  गते। सप्तरीको बिरेन्द्र बजारमा आईतवार स्वर्गीय लगनदेव जोशीको स्मृतिमा श्रद्धाञ्जली सभाको आयोजना गरेको छ । नेपाल राष्ट्रिय संयुक्त निबृत्त कर्मचारी संघ सप्तरीले कार्यक्रम आयोजना गरेको हो । नेपाल राष्ट्रिय संयुक्त सेवा निबृत्त कर्मचारी संघ सप्तरीका अध्यक्ष सत्य नारायण चौधरीको अध्यक्षता तथा केन्द्रिय अध्यक्ष भोला चौधरीको प्रमुख आतिथ्यमा कार्यक्रम आयोजना भएको थियो ।

कार्यक्रम बोल्दै केन्द्रिय अध्यक्ष चौधरीले एक लगनशील, कर्मठ राष्ट्रसेवक गुमाउनु परेको भन्दै दुख व्यक्त गरे । पुर्व प्रधानाध्यापक माहाबिर चौधरीले शिक्षा पेशामा आबद्ध स्वर्गीय जोशीको समाजिक परिवर्तन ठुलो योगदान रहेको चर्चा गरे । पुर्व प्राध्यापक वसन्त बिश्वकर्माले स्वार्गिय जोशीको जिवनी बारे चर्चा गर्दै समाजिक बिकासमा उहाको योगदान अबिस्वास्निय रहेको बताए । कार्यक्रममा कुन्जीलाल चौधरी र पुलकित चौधरीले स्वर्गीय जोशीको जिवनी बारे प्रकाश पारेका थिए भने कार्यक्रमको संचालन श्याम कुमार यादवले गरे ।

कार्यक्रममा स्वर्गीय जोशीको तस्बिरमा सेवा निबृत्त कर्मचारीहरुले फुल र अबिर लगाएर श्रद्धाञ्जली अर्पण गरेका थिए । लामो समय शिक्षण पेशामा आवद्ध जोशीको गत फागुन २ गते हृदयघात भएर ६९ बर्षको उमेरमा मृत्यु भएको थियो । अग्निसाईर कृष्णासवरन गाउँपालिका वडा नम्बर ३ हरिहरपुर निवासी जोशी नेपाल राष्ट्रिय संयुक्त निबृत्त कर्मचारी संघ सप्तरीको कोषाध्यक्षमा रहेर सक्रिय रहदै आएका थिए ।