शिव प्रसाद आचार्य 
फत्तेपुर,चैत्र, ९ गते । विश्वभरी फैलिदै गएको नोवेल कोरोना भाइरस (कोभिड 19) को सक्रमणबाट जोगिन भन्दै सप्तकोसी नगरपालिकाले स्वास्थय र सरसफाइ बाहेक नगरले प्रदान गर्ने सम्पुर्ण सेवा आइतबारदेखि बन्द गरेको छ।
                      नगरपालिकाले आइतबार एक सुचना जारी गर्दै  नगर भित्र का अत्यावश्यक बाहेक वडा बाट प्रदान गरिने सबै प्रकारका सेवाहरु चैत्र २१ गते शुक्रवार सम्मलाइ बन्द गरिएको जनाएको छ।
           त्यसै गरि नगरपालिकाले अर्को एक सुचना जारी गर्दै नगर भित्र साप्ताहिक रुपमा लाग्दै आएका हाटबजार समेत बन्द गर्ने निर्णय गरेको छ। नगर भित्र  साप्ताहिक रुपमा लाग्ने फत्तेपुर हटिया ,मङल हटिया ,भगनी हटिया र बलार्दह हटिया यहि चैत्र २१ गते सम्म बन्द गर्ने निर्णय गरिएको सप्तकोसी नगरपालिकाका  प्रमुख उत्तम कुमार शर्माले बताए ।