सप्तरी जिल्लाको महादेवा गाउँपालिका वडा नम्बर ४ को वडाअध्यक्ष युगेश्वर साहले स्थानीय एक महिलामाथी कुटपिट गरेका छन उक्त वडाको डाढा टोलमा बस्ने वर्ष ४५ कि एकल महिला प्रमिला खंगलाई वडाध्यक्ष साहले कुटपिट गरेको प्रहरीले जानकारी दिएका छन । सोमबार राती करिब ९:३० बजेको समयमा छोराछोरी सहित आफू सुतिरहेको अवस्थामा ढाेका फाेडेर भित्रपसि आफुमाथी जबर्जस्ति गर्न खोज्दा हल्ला मच्चाएर मान्छे बोलाएको निहुमा वडाध्यक्षले मर्नासन्न हुने गरि लाठि र हातखुट्टा समेत लगाइ आफुमाथी कुटपिट गरेको पिडित महिलाले आरोप लगाएकी छिन । वडाध्यक्षले भने कोरोना भाइरस को कारणले गर्दा सरकारको निर्णय अनुसार पसल बन्द गर्नु भनेर सूचना दिँदा पनि बेवास्ता गरेकाले स्थानीयवासी लाई सम्झाउन जाँदा आफुबाट केही गाली गलौज भएपनी आफुले महिलामाथी कुटपिट नगरेको बताएका छन । पीडित महिलाको भने कुटपिटका कारण शरीरको विभिन्न भागमा चाेटपटक लागेको हुनाले डा. प्रमोद कुमार यादवको रहोबरमा गजेन्द्रनारायण सिंह अन्चल अस्पतालमा उपचार भइरहेको र साथै पीडित महिलाले प्रहरिमा समेत उजुरी गरिसकेको प्रहरी कार्यलय कंचनपुरले जानकारी दिएको छ ।