बिरेन्द्र बजार, २१ चैत । सप्तरीको अग्निसाईर कृष्णासवरन गाउँपालिका वडा नम्बर ४ बनौलीमा शुक्रबार आगलागी हुदा २ लाख बराबरको क्षति भएको छ । स्थानीय जय नारायण यादव, जोगिन्द्र यादव,हृदय नारायण यादव, देव नारायण यादव, नारायण यादव र बिष्णुदेव यादवको गोठमा अगलागी हुदा सो परिणामको धनसम्पती जलेर नष्ट भएको हो । गाउँ नजिकैको बाँसघारीमा दाउरा,पराल लगायतका आबश्यक सामाग्री राख्ने छ परिवारको ६ वटा गोठ्मा आगलागी भएको प्रहरीले जनाएको छ । आगलागीमा खेतबाट काटेर जम्मा गरिराखेका गहु र परालको टाल समेत जल्दा १ लाख ८० हजार बराबरको धनमाल नष्ट भएको ईलाका प्रहरी कार्यालय महुलीले जनाएको छ ।साँझ ६ बजे शुरु भएको आगो कंचनरुप, हनुमाननगर कंकालिनी र राजबिराज नगरपालिकाबाट गएको ३ वटा दमकल, स्थानीयबासी र प्रहरीको सहयोगमा नियन्त्रणमा आएको वडा अध्यक्ष तेज नारायण यादवले जानकारी दिए । हावाहुरी संगै बाँस एकाआपसमा घ्रसन भइ आगलागी हुन सक्ने प्रहरीले आशंका गरेएको छ । आगलागीमा बाँस समेत जलेर नष्ट भएको स्थानीयले जनाएको छ ।