कञ्चनपुर,चैत्र २४ गते । कञ्चनरुप नगरपालिका–६ घोघनपुरमा सोमबार आगलागी हुदाँ दुई घर जलेर नष्ट भएको छ ।

बिहान करिब ११ बजेतिर आगलागी हुदाँ महम्मद जलाउद्धिन र जमिला खातुतको घर जलेर नष्ट भएको स्थानीयबासी एवं महेन्द्र जनता माबिका प्रधानाध्यापक मोहम्द सलिमले बताए । बिद्युतको तार सर्ट भई आगो लागेको हुन सक्ने बताइएको छ ।

प्रअ सलिमका अनुसार आगलागीबाट घरमा रहेको सम्मपूर्ण खाद्यान्य,लताकपडा र फर्निचरको समान जलेर नष्ट भएको छ । आगोलाई कञ्चनरुप नगरपालिको दमकल,प्रहरी र स्थानीयहरु मिलेर नियन्त्रणमा लिएका थिए । आगलागीबाट भएको क्षतिको बिबरण आउँन बाँकी छ । कोरोना भाइरसको कहरसँगै सप्तरीमा आगलागीको घटनामा एक्कासी बृद्धि भएको छ । शनिबार कञ्चनरुप नगरपालिका–१ बैरवामा जिल्लाको ९ ठाउँमा आगलागि हुदाँ ४५ लाख बराबरको धलमाल जलेर नष्ट भएको जिल्ला प्रहरी कार्यालय सप्तरीले जनाएको छ ।