कञ्चनपुर,चैत्र २६ गते । सप्तरीमा लकडाउनमा समयमा पनि अवैध लागूऔषध कारोबार रोकिएको छैन ।

पछिल्लो पटक कोशी ब्यारेजबाट मंगलबार राति करिब ९ बजे प्रहरीले कञ्चनरुप नगरपालिकाका ३ जना र हनुमानगर कंकालिनीमाई नगरपालिका एक जना सहित चार जनासँग नियन्त्रित लागूऔषध बरामद गरेको छ । प्रहरीले विशेष सुरारकीका आधारमा मंगलबार राति करिब ९ बजे कोशी ब्यारेज नजिकबाट नाइट्रोभेट १९ पिस, डाईलेक्स सिरफ थान सहित स.३ प ३०१०,को ७ प ९३२ र प. ४६१४ नम्बरको मोटरसाइकल सहित कञ्चनरुप नगरपालिका –२ बरमझिया बस्ने २९ बर्षिया सुरज साह, रुपनगर बस्ने ३२ बर्षिया दिपेन्द्र श्रेष्ठ सोही ठाउँ बस्ने २१ बर्षिया संजय साह र हनुमाननगर कंकालिन नगरपालिका –१ बस्ने  कालु साहलाई पक्राऊ गरिएको इलका प्रहरी कार्यालय कञ्चनपुरका प्रमुख डिएसपी मकेन्द्रकुमार मिश्रले बताए । प्रहरीले थप अनुसन्धान गरिरहेको जनाएको छ ।