कञ्चनपुर,माघ १० गते । सप्तरीको बोदेबरसाईन नगरपालिका–२मा जोगियास्थित प्र २–०१–००१ प ६४०३ नम्वरको मोटरसाईकल दुर्घटनामा एक जना मृत्यु भएको छ भने दुई जना घाईते भएका छन् ।
विसनपुर–बोदे बरसाईन सडक खण्डमा शुक्रबार राति तीन जना सवार मोटरसाईकल अनियन्त्रित भएर दुर्घटना खडक नगरपालिका–८ का १८ वर्षीय सुदिप चौधरीको मृत्यु भएको जिल्ला प्रहरी कार्यालयका डिएसपी भुवनेश्वर प्रसाद साहले जानकारी दिए ।

दुर्घटनामा गम्भीर घाइते भएका चौधरीको युनिक अस्पताल रुपनीमा उपचारको क्रममा मृत्यु भएको जनाएको छ । यसैगरी दुर्घटनामा घाइते भएका खडक–८ कै २७ वर्षीय सनी चौधरी र १८ वर्षीय दिवेश चौधरीको उपचार भइरहेको छ । उनीहरुको टाउको र शरिरको बिभिन्न भागमा चोट लागेको प्रहरीले जनाएको छ ।