कञ्चनपुर,फागुन ४ गते । सुनसरीको खनार ८ बस्ने एक महिला आप्mना दुई सन्तानलाई छोडेर अर्कैसंग भागेपछि एउटा परिवार बिचल्ली भएको छ ।

खनार ८ बस्ने २८ बर्षीया अन्जना देवी साहले पत्ती चन्दन साहलाई छाडेर सप्तरीको हनुमाननगर कंकालिनी नगरपालिका ४ का सरोज कुमार मंडलसंग फरार भएपछि परिवारको बिचल्ली भएको हो ।

चन्दन विगत ६ बर्ष देखी बैदेशिक रोजगारको क्रममा कुवेतमा थिए । लकडाउनको बेला अन्जनाको सरोज कुमार मंडलसंग समाजिक सञ्जाल इमो मार्फत चिनजान भएको थियो ।

अन्जनाको पत्ती केही समय अघि बैदेशिक रोजगारबाट फर्किए पछि गत माघ २९ गते अन्जना सरोज कुमार मंडलसंग फरार भएका थिए । अन्जनाको ११ बर्षको छोरी र ६ बर्षको १ छोरा छन । अन्जना फरार भएपछि अन्जनाका पत्तीले पत्नी फरार भएको प्रहरीमा उजुरी गरेको थियो । प्रहरीले दुवै जनालाई भारदहबाट पक्राउ गरेको थियो ।

इलाका प्रहरी कार्यालयमा मंगलबार दुवै पक्ष बिच छलफल भएपछि अन्जनाले प्रेमी सरोज कुमार मंडलसंगै जाने भएपछि अन्जनाले चन्दनलाइ छोडपत्र कागज गरिदिएको छ । अन्जनाको नाममा १४ धुर घडेरी र १० धुरको अर्को घडेरी अन्जनार चन्दनको संयुक्त नाममा रहेको छ ।

पिडीत चन्दनले आफु मासिक लाख रुपैया भन्दावढी कमाएर घर पठाएपनि पत्नी अन्जनाले सबै बर्वाद गरेको बताए । उनले भने मैले विश्वास गरेर घडेरी पनि अन्जनाको नाममा किने त्यो पनि फिर्ता आउछ कि आउदैन भन्ने चिन्ता छ । अन्दनका अनुसार अन्जनाले घरबाट भाग्नु अघि २ लाखको चेकमा हस्ताक्षर गराएर लिएर गएको बताए ।