बैतडी, २३ चैत । बैतडीको दोगडाकेदार गाउँपालिका–३ श्रीकोटस्थित सनातन धर्म मावि खोचलेकले निजी स्रोतवाट दुई कोठे विद्यालय भवन निर्माण गरिरहेको छ । विद्यालयको निजी स्रोतले दुई कोठे एकतले भवन निर्माण कार्य जारी रहेको सनातन धर्म माविका प्रधानाध्यापक बलदेव नाथले जानकारी दिनुभयो ।

उक्त भवनको ८० प्रतिशत काम सम्पन्न भइसकेको छ । विद्यालयको रु १० लाखको लगानीमा उक्त भवन निर्माण गर्न लागिएको उहाँले बताउनुभयो । विद्यार्थीको चाप बढी हुँदा भवन अभाव भएपछि विद्यालयले आफ्नै लगानीमा कक्षाकोठा भवन निर्माण गर्न लागेको प्रधानाध्यापक नाथको भनाइे छ ।