राजकुमार साह

कञ्चनपुर, फगुण २७ गते । सप्तरी जिल्लाको रुपनी गाउँपालिका ६ मा बुधवार बेलुका ट्रकको ठक्करबाट एक जनाको मृत्यु भएको छ । 

पुर्वबाट पश्चिम तर्फ जादै गरेको को.१ ख. ७५३७ नम्बरको ट्रकले बिपरित दिशाबाट आईरहेको स. ८ प. ६५५२ नम्बरको मोटरसाईकललाई ठक्कर दिँदा मोटरसाईकल चालक सोही गा.पा. ६ का ३५ बर्षीय प्रदिप कुमार सरदारको घटना स्थलमै मृत्यु भएको जिल्ला प्रहरी कार्यालय सप्तरीका डिएसपी भुवनेश्वर प्रसाद साहले जनाएका छन् । 

प्रहरीका अनुसार ट्रक चालक मोरङ्ग जिल्ला बेलबारी नगरपालिका ३ का २५ बर्षीय निमा तामाङलाई नियन्त्रणमा लिई थप अनुसन्धान कार्य भईरहेको साहले बताए । शवको पोष्टमार्टमका लागि आज गजेन्द्र नारायण सिंह अस्पताल राजबिराज पठाएको प्रहरीले  वताए ।