कञ्चनपुर, चैत ६ गते । सप्तरी जिल्लाको कञ्चनरुप नगरपालिका वडा नं. ११ स्थित पुर्व पश्चिम लोकमार्गमा बिहिवार राती करिब १ः३० ट्रकको ठक्करबाट एक जनाको मृत्यु भएको छ ।

पुर्वबाट पश्चिम तर्फ जादै गरेको ना. ६ ख. ३४२५ नम्बरको ट्रकले सोहि दिशाबाट जादै गरेको ना. ६ त. ६११९ नम्बरको ट्रयाक्टरलाई पछाडीबाट ठक्कर दिँदा ट्रयाक्टर चालक बारा जिल्ला दक्षिण झिटकैयाका वडा नं. ८ का ३५ बर्षीय जलिल मियाँ मन्सुरी धाईते भई उपचारको क्रममा गजेन्द्र नारायण सिंह अस्पताल राजबिराजमा मृत्यु भएको जिल्ला प्रहरी कार्यालय सप्तरीका डिएसपी माधव प्रसाद काफलेले जनाएका छन् ।

प्रहरीका अनुसार उक्त नं. को ट्रक प्रहरीको नियन्त्रणमा छ ,भने ट्रक चालक हाल फरार रहेकोले खोजतलास कार्य भईरहेको वताए । शवको पोष्टमार्टमका लागि गजेन्द्र नारायण सिंह अस्पताल राजबिराजमै रहेको र प्रहरीबाट थप अनुसन्धान कार्य भई रहेको डिएसपी काफलेले वताए ।