राजकुमार साह
कञ्चनपुर,चैत ८ । सप्तरीको राजविराज हनुमाननगर सडक खण्डमा मोटरसाइकल दुर्घटना हुँदा एक जनाको मृत्यु भएको छ, भने अन्य एक जना गम्भीर घाइते भएका छन् । 

शनिवार राति करिब ११ः१५ बजेको समयमा अनटेष्ट मोटरसाइकल अनियन्त्रित भएर राजविराज–१५ खाँडो पुलमा दुर्घटना भएको हो । दुर्घटनामा मोटरसाइकल चालक तिलाठी कोइलाडी गाउँपालिका–४ का १५ वर्षीय बिवेक कुमार मण्डलको गजेन्द्र नारायण अञ्चल अस्पताल राजविराजमा उपचारको क्रममा मृृत्यु भएको जिल्ला प्रहरी कार्यालयका प्रहरी नायव उपरीक्षक माधव प्रसाद काफ्लेले जानकारी दिए ।

दुर्घटनामा परेर गम्भीर घाइते भएका मोटरसाइकल पछाडी सवार हनुमाननगर कंकालिनी नगरपालिका–१० इनर्वाका १५ वर्षीय कौशल मण्डललाई थप उपचारको लागि  विराटनगर पठाइएको छ । उनको टाउको र छातीमा गम्भीर चोट लागेको प्रहरीले जनाएको छ ।