क्ञ्चनपुर, चैत १० गते । सप्तरीको तिलाठी कोइलाडी गाँउपालिका वडा नं. १ तिलाठीबाट सशस्त्र प्रहरीले बिभिन्न किसिमको लागूऔषधसहित एक जनालाई पक्राउ गरेको छ ।

आज दिउँसो भारतबाट लागूऔषध लिएर पैदल आउँदै गरेकाे सप्तरी कंचनरुप नगरपालिका वडा नम्बर ११ का  २२ वर्षीय राजु सरदारलाई पक्राउ गरिएको छ । पक्राउ परेका सरदारको साथबाट फेनारगन २ एमएमलको ३५ थान, डाइजेपाम २ एमएलको ३५ थान र लिजेसिक २ एमएलको ३५ थान बरामद भएको सशस्त्र प्रहरी उपरीक्षक राजु श्रेष्ठले जानकारी दिए । उनले भने, लागूऔषधसहित पक्राउ परेका सरदारलाई थप  अनुसन्धानका लागि नेपाल प्रहरीको जिम्मा लगाउने तयारी भइरहेको  बताए ।