कञ्चनपुर, वैशाख २८ गते  । सप्तरीमा पूर्व–पश्चिम राजमार्ग अन्तर्गत हुनमाननगर कंकालिनी नगरपालिका–३ स्थित सडक खण्डमा अनियन्त्रित भएर ट्रकले ठक्कर दिदा एक दम्पती मंगलबार विहान मृत्युु भएको छ ।
ना. ६ ख ३८६१ नम्बरको मालबाहक ट्रकले विहान ६:३० बजे ठक्कर दिँदा सप्तरीको भारदह भलुवा निवासी ४५ वर्षीय सत्यनारायण मण्डल र उनकी ४० वर्षीया पत्नी सुनिता देवी मण्डलको मृत्यु भएको हो । साइकलमा सवार पति–पत्नी घरतर्फ जादै थिए । 
दुबै जनालाई उपचारको लागी स्थानिय अस्पताल भारदह लैजाने क्रममा दुबै जनाको बाटोमा मृत्यु भएको , मृतक लास पो.मा.को लागी गजेन्द्र नारायण सिंह अस्पताल राजबिराजमा रहेको जिल्ला प्रहरी कार्यालय सप्तरीका डिएसपी माधव प्रसाद काफ्ले जनाएको छ । डिएसपी काफलेका अनुसार मृतकको कानुन बमोजिम मुचुल्का कार्य भई रहेको ,ठक्कर दिने उक्त नम्बरको ट्रक र चालक प्रहरीको नियन्त्रणमा अन्य थप कानुन बमोजिम अनुसन्धान कार्य भईरहेको  जनाएको छ ।