कञ्चनपुर,जेष्ठ ३० गते । सप्तरीको बेगवानी दम्पती हत्या काण्ड(खुनडाँका) मुद्याका फरार अभियुक्त ७ बर्ष पछि प्रहरीले पक्राउ गरेको छ । हनुमाननगर कंकालिनी नगरपालिका वडा नम्बर—१ भरदहका ३४ बर्षिय बब्लु मण्डललाई आज (आइतवार) गोप्य सुचनको आधारमा जिल्ला प्रहरी कार्यालय सप्तरीबाट खटिएको प्रहरी टोलीले गाउँमा बसेको अबस्थामा फेला पारी नियन्त्रणमा लिई पक्राउ गरेको जिल्ला प्रहरी कार्यालय राजबिराज सप्तरीका डिएसपी माधव प्रसाद काफ्लेले वताए ।

प्रहरीका अनुसार फरार प्रतिवादीलाई आइतवार नै जिल्ला अदालत राजबिराजमा उपस्थित गराउने कार्य भई रहेको वताए । सप्तरीको साबिक हनुमाननगर—५ का ५५ बर्षिय प्रेम सुख बेगवानी र उनको श्रीमती ५२ बर्षिया सरोज बेगवानी आफ्नै घरमा कपडा पसल र सुनचाँदीको ब्यपारी दम्पतीलाई २०७१ जेष्ठ २१ गते राती धारीलो हतियार प्रहार गरी कर्तब्य गरी मारेको थियो  भने घर भित्र रहेका नगद, सुनचाँदीका गरगह्नाहरु लगायत ५० लाख समेत डाँका गरी लगेको प्रहरीले जनाएको छ । घट्नामा संलग्न जम्मा ८ जना प्रतिवादी मध्ये तत्कालिन समयमा ६ जनालाई प्रहरीले पक्राउ गरेको थियो ।